“Toshkent hududiy elektr tarmoqlari korxonasi” акциядорлик жамияти Бош директори лавозимига ТАНЛОВ ЭЪЛОН ҚИЛАДИ Танловда иштирок этиш учун Ўзбекистон фуқаролари, шунингдек юқори малакали чет эллик менеджерлар таклиф этилади. Вазифалари:Ўзбекистон Республикаси қонунчилиги ва жамият уставига мувофиқ жамият фаолиятининг барча йўналишлари бўйича умумий раҳбарликни амалга ошириш. Номзодга талаблар: -Олий маълумот (иқтисодчи ёки энергетик); -Ташкилотчилик қобилияти -Ўзбекистон Республикасининг мамлакат энерготизимини тартибга солишга доир қонунчилик ҳужжатлари ва иқтисодиётни ривожлантиришнинг устувор йўналишларини белгиловчи бошқа меъёрий ҳужжатларни билиш; -Меҳнатни муҳофаза қилиш, хавфсизлик техникаси, ишлаб чиқариш санитарияси, ёнғиндан ҳимоя ва ишлаб чиқариш хавфсизлиги қоида ва меъёрларини билиш; -Корхоналар биринчи раҳбарлари билан мулоқот қилиш тажрибасига эга бўлиш; -Ўзбек ва рус тилида бемалол сўзлашиш; -Хизмат сафарларига бориш имконияти; -Корпоратив бошқарув қонунчилиги, усул ва тамойилларини билиш; -Энерготизимда камида 5 йил иш стажи; -Ишлаб чиқариш соҳасида раҳбарлик лавозимларида 5 йилдан ортиқ иш тажрибасига эга бўлиши. Ариза бериш тартиби ва муддати: Аризалар жамиятнинг электрон почта манзилига tаshes2012@mail.ru ёки жамият манзилига Ўзбекистон Республикаси, Тошкент вилояти, Ўрта Чирчиқ тумани, Қумовул МФЙ, Яшил водий кўчаси, 42-44 уй. Индекс: 100084. Ҳужжатлар 2021 йил 1 мартдан 2021 йил 1 апрел кунигача қабул қилинади. Телефон: 78 150-27-94 (Ходимлар билан ишлаш бўлими).

“Тошкент ҳудудий электр тармоқлари корхонаси” АЖ веб-сайтидаги “Шахсий кабинет” орқали логин ва паролни киритган ҳолда шахсий ҳисоб рақамингизга оид маълумотлар – истеъмол қилинган электр энергияси миқдори, қолдиқ ва бошқалар тўғрисида реал вақт (оn-line) режимида батафсил маълумотга эга бўлишингиз мумкин. Бунинг учун олдиндан Сизнинг мобиль алоқа рақамингиз турар жойингиздаги электр таъминоти корхонаси ёки банк кассалари орқали тизимга уланган бўлиши ҳамда телефон рақамингизга “Шахсий кабинет” га кириш учун логин кўрсатилган SMS-хабар тақдим этилган бўлиши лозим. “Шахсий кабинет”га кириш учун тизимга уланган мобиль рақамингиздан “P” ҳарфини 2100 қисқа рақамига SMS-хабар кўринишида юборинг ва паролга эга бўлинг. Шунингдек, 2100 қисқа рақамига “D” ҳарфини SMS-хабар кўринишда юбориб, бугунги кундаги мавжуд қарзингиз ҳақидаги маълумотга эга бўлишингиз мумкин. Фойдаланилган электр энергияси учун мамлакатимизда мавжуд барча тўлов тизимлари (U-Pay, Click, Payme, Paymo, Paynet) ҳамда банкларнинг мобил иловалари орқали уйдан чиқмасдан туриб тўловларни амалга оширишлари мумкинлигини “Тошкент ҳудудий электр тармоқлари корхонаси” АЖ яна бир бор эслатиб ўтади. Ҳурматли Тошкент вилояти электр энергияси истеъмолчилари! "Тошкент ХЭТК" АЖ корхонаси томонидан етказиб берилаётган электр энергияси учун тўловларни ўз вақтида амалга оширишингизни сўраймиз. Электр энергиясидан ўз вақтида келиб тушаётган маблағлар ҳисобига электр тармоқларини, трансформатор пунктларини модернизация ҳамда тўлиқ таъмирлаш ишлари учун йўналтирилишини маълум қиламиз. Бу эса ўз навбатида, Тошкент вилояти истеъмолчиларга сифатли ва узлуксиз электр энергияси етказиб берилиши таъминланади.

ЭЪЛОН!!! Ҳурматли электр энергия истеъмолчилари! Ишлаб чиқарилаётган электр энергияси истеъмолчиларидан келиб тушаётган электрон мурожаатларни тезкор хал этиш ҳамда уларга енгиллик яратиш мақсадида “Ўзбекэнерго” акциядорлик жамияти томонидан телеграмм интернет иловаси орқали “Халқ билан мулоқот” Каналини ишга туширганлиги ҳақида маълум қиламиз. Эндиликда сиз электр энергияси билан боғлиқ барча муаммо, камчилик ва таклифларингизни ушбу манзил орқали етказишингиз мумкин бўлади. Сизнинг мурожаатингиз тез фурсатларда ўз ечимини топади. Бунинг учун, Сиз мобил телефонинингиздан телеграмм мессенжерига кириб “uzbekenergo_muloqot” каналига аъзо бўлишингиз керак бўлади. www. uzbekenergo.uz веб-сайти орқали ҳам батафсил барча маълумотларга эга бўлишингиз мумкин.